اودھم پور جھڑپ میں فوج کا جوان ہلاک آپریشن جاری:فوج

جموں//
جموںکشمیر کے ضلع اودھم پور کے بسنت گڑھ علاقے میں سیکورٹی فورسز اور ملی ٹنٹوں کے درمیان ایک فوجی جوان جاں بحق ہوا ہے جبکہ علاقے میں آپریشن وسیع پیمانے پر جاری ہے ۔
فوج کی وائٹ نائٹ کور نے’ایکس‘پر ایک پوسٹ کے ذریعے جانکاری فراہم کرتے ہوئے کہا کہ ایک مصدقہ انٹلی جنس اطلاع پر کارروائی کرتے ہوئے اودھم پور کے بسنت گڑھ علاقے میں آج صبح پولیس کے ساتھ مل کر ایک مشترکہ سرچ آپریشن شروع کر دیا گیا۔انہوں نے کہا’’اس دوران طرفین میںآمنا سامنا ہوا اور شدید گولیوں کا تبادلہ ہوا‘‘۔
پوسٹ میں مزید کہا گیا’’گولیوں کے ابتدائی تبادلے کے دوران ایک بہادر فوجی جوان زخمی ہوا جو بعد میں بہتر طبی امداد کی فراہمی کے باوصف زخموں کی تاب نہ لا کر دم توڑ گیا‘‘۔انہوں نے کہا کہ علاقے میں وسیع پیمانے پر آپریشن جاری ہے ۔
جاں بحق ہونے والے جوان کی شناخت حوالدار جھنتو علی شیخ کے طور پر ہوئی ہے جو۶پیرا ایس ایف سے وابستہ تھے ۔
دریں اثنا وائٹ نائٹ کور کے جنرل آفیسر کمانڈنگ (جی او سی) لیفٹیننٹ جنرل پی کے مشرا اور دیگر افسروں نے انہیں شاندار خراج عقیدت پیش کیا ہے ۔
کور نے ایک پوسٹ میں کہا’’وائٹ نائٹ کور کے جی او سی اور تمام رینکس۶پیرا ایس ایف کے حوالدار جھنتو علی شیخ کو سلام پیش کرتے ہیں جنہوں نے انسداد دہشت گردی آپریشن کے دوران عظی قربانی پیش کی‘‘۔
پوسٹ میں کہا گیا’’ان کی بے مثال ہمت اور ان کی ٹیم کی بہادری کو کبھی فراموش نہیں کیا جائے گا‘‘۔انہوں نے کہا’’ہم غم کی اس گھڑی میں سوگوار خاندان کے ساتھ یکجہتی کے ساتھ کھڑے ہیں۔‘‘