۲۸مارچ سے۶؍اپریل تک موسم خشک رہنے کا امکان

سرینگر//
محکمہ موسمیات نے وادی کشمیر میں مطلع ابر آلود رہنے کے ساتھ رک رک کر ہلکی بارشیں ہونے کے بیچ۲۸مارچ سے۶؍اپریل تک موسم خشک رہنے کی پیش گوئی کی ہے ۔
محکمے نے اپنی ایڈوائزری میں کسانوں سے کہا ہے کہ وہ۲۸مارچ سے اپنے کھیت کھلیانوں اور باغوں میں آپریشنز بحال کرسکتے ہیں۔
متعلقہ محکمے کے ایک ترجمان نے بتایا کہ وادی میں۲۷مارچ کی دوپہر سے شام تک پہاڑی علاقوں میں کہیں کہیں ہلکی سے درمیانہ درجے کی برف باری یابارشوں کا امکان ہے جس کا زیادہ اثر شمالی اور وسطی کشمیر میں رہ سکتا ہے ۔انہوں نے کہا کہ اس دوران میدانی علاقوں میں مطلع ابر آلود رہنے کے ساتھ ہلکی بوندا باندی متوقع ہے ۔ بعد ازاں وادی میں ۲۸مارچ سے۶؍اپریل تک موسم مجموعی طور پر خشک رہنے کا امکان ہے ۔
محکمے نے اپنی ایڈوائزری میں مسافروں، سیاحوں اور ٹرانسپورٹروں سے کہا ہے کہ وہ ٹریفک ایڈوائزری پر عمل کریں۔
کسانوں سے کہا گیا ہے کہ وہ۲۸مارچ سے اپنے کھیت کھلیانوں اور باغوں میں آپریشنز بحال کرسکتے ہیں۔
ایڈوائزری کے مطابق وادی میں کچھ علاقوں میں گرج چمک کے ساتھ تیز ہوائیں بھی چل سکتی ہیں۔