سرینگر/۸اگست
صوبائی کمشنر کشمیر ‘وی کے بدھوری کا کہنا ہے کہ بخشی اسٹیڈیم میں یوم آزادی کے موقع پر ہونے والی تقریب میں شرکت کرنے کے لئے کسی دعوت نامے کی ضرورت نہیں ہے ۔
بدھوری نے کہا کہ یہ کھلی تقریب ہے اور لوگ شناختی کارڈ ساتھ رکھ کر اس میں شرکت کر سکتے ہیں۔انہوں نے لوگوں سے اپیل کی کہ وہ 15 اگست کے بعد بلیدان ستمب کو بھی دیکھیں۔
صوبائی کمشنر نے ان باتوں کا اظہار جمعرات کو یہاں پرتاپ پارک میں بلیدان ستمبھ کے کام کا جائزہ لینے کے بعد نامہ نگاروں کے ساتھ بات کرنے کے دوران کیا۔
بدھوری نے کہا” 15 اگست پورے ملک کےلئے ایک اہم دن ہے اور یہاں بھی اس حوالے سے جوش و خروش ہے “۔
صوبائی کمشنر کا کہنا تھا” 15 اگست کے بعد لوگ اپنے بچوں کے ساتھ یہاں بلیدان ستمبھ کو بھی دیکھنے آئیں جو قوم کے لئے قربانیاں دینے والے شہیدوں کی یاد میں تعمیر کیا گیا ہے “۔
بدھوری نے کہا کہ 15 اگست کی تقریب سبھی کے لئے کھلی ہے دعوت ناموں کی کوئی ضرورت نہیں ہے ۔
صوبائی کمشنر نے کہا”لوگ شناختی ساتھ لے کر وقت پر آئیں اور اس تقریب جس میں بچوں کے بھی رنگا رنگ پروگرام ہوں گے ، میں شرکت کریں“۔
ان کا کہنا تھا کہ 12 اگست کو شیر کشمیر انٹرنیشنل کانفرنس سینٹر میں ترنگا یاترا کا انعقاد کیا جا رہا ہے ۔انہوں نے لوگوں کو اس یاترا میں بھی شرکت کرنے کی دعوت دی۔
