دو بچوں سمیت جھیل ڈل میں تین افراد کی لاشیں برآمد

سرینگر///
جھیل ڈل میں فور شور روڈ کے نزدیک بظاہر ماں اور اس کے دو بچوںکی لاشیں برآمد کی گئی ہیں۔
اطلاعات کے مطابق ہفتے کی سہ پہر فور شور روڈ کے نزدیک جھیل ڈل کے کنارے تین افراد کی لاشیں دیکھی گئیں اور اس بارے میں پولیس کو مطلع کیا گیا۔
پولیس ٹیم فوری طورپر جائے موقع پر پہنچی اور لاشوں کو تحویل میں لے کر ان کی شناخت کے لئے کارروائی شروع کی ہے ۔
پولیس کا کہنا ہے کہ دو کمسن بچوں اور ایک خاتون کی لاشیں برآمد کی گئیں ۔انہوں نے کہا کہ مذکورہ افراد کیسے پانی میں ڈوب گئے اس بارے میں تحقیقات شروع کی گئی ہے ۔