کٹھوعہ میں فوجی گاڑی پر ملی ٹینٹوں کی فائرنگ ۴اہلکار زخمی

جموں/۸جولائی
جموںکشمیر کے کٹھوعہ ضلع کے لوہائی ملہار علاقے میں ملی ٹینٹوں نے فوجی گاڑی پر فائرنگ کی جس کے نتیجے میں چاراہلکار زخمی ہوئے ہیں۔
معلوم ہوا ہے کہ سیکورٹی فورسز نے ایک وسیع علاقے کو محاصرے میں لے کر فرار ہونے کے سبھی راستوں پر پہرے بٹھا دئے ہیں۔
اطلاعات کے مطابق پیر کی سہ پہر کٹھوعہ کے لوہائی ملہار بلاور تحصیل میں ملی ٹینٹوں اور فورسز کے مابین گولیوں کا تبادلہ ہوا۔ذرائع نے بتایا کہ ملی ٹینٹوں نے آرمی گاڑی پر فائرنگ کی جس کے نتیجے میں کئی اہلکار زخمی ہوئے ہیں۔انہوں نے کہاکہ علاقے میں سیکورٹی فورسز اور ملی ٹینٹوں کے مابین انکاونٹر شروع ہوا ہے ۔
ذرائع کا کہنا ہے کہ ملی ٹینٹ حملے کے بعد سیکورٹی فورسز نے متعدد علاقوں کو سیل کیا ۔آخری اطلاعات موصول ہونے تک علاقے میں آپریشن جاری تھا۔اس سلسلے میں مزید تفصیلات کا انتظار ہے ۔