جموں کشمیر میں اگلے دو دنوں کے دوران موسم گرم رہنے کا امکان

سرینگر//
محکمہ موسمیات نے جموں و کشمیر میں اگلے دو دنوں کے دوران موسم گرم اور مرطوب رہنے کی پیش گوئی کی ہے ۔
متعلقہ محکمے کے ایک ترجمان نے بتایا کہ وادی میں۲۶؍اور۲۷جون کو موسم مجموعی طور پر خشک رہنے کے بیچ بعد دوپہر کہیں کہیں ہلکی بارشوں کا امکان ہے ۔
ترجمان نے کہا کہ بعد میں۲۸سے۳۰جون تک بیشتر مقامات پر ہلکی سے درمیانی درجے کی بارشیں ہوسکتی ہیں۔
ان کا کہنا تھا کہ وادی میں یکم جولائی سے۴ جولائی تک کئی مقامات پر رک رک کر ہلکی سے درمیانی درجے کی بارشیں متوقع ہیں۔
محکمے نے کہا کہ جموں وکشمیر میں اگلے دو دنوں کے دوران موسم گرم اور مرطوب رہ سکتا ہے ۔
دریں اثنا گرمائی دارلحکومت سری نگر میں کم سے کم درجہ حرارت۴ء۱۹ڈگری سینٹی گریڈ ریکارڈ کیا گیا جبکہ کپوارہ میں کم سے کم درجہ حرارت۹ء۱۵ڈگری سینٹی گریڈ ریکارڈ ہوا ہے ۔
سیاحتی مقامات گلمرگ اور پہلگام میں کم سے کم درجہ حرارت بالترتیب۵ء۱۲ڈگری سینٹی گریڈ اور۴ء۱۱ڈگری سینٹی گریڈ ریکارڈ ہوا ہے ۔
گیٹ وے آف کشمیر کے نام سے مشہور قصبہ قاضی گنڈ میں کم سے کم درجہ حرارت۸ء۱۶ڈگری سینٹی گریڈ ریکارڈ ہوا ہے ۔