کپواڑہ میں 5 افراد کنویں میں گر گئے 2 افراد جاں بحق، 3 اسپتال میں داخل

کپوارہ/29 مئی
شمالی کشمیر کے ضلع کپواڑہ کے کرالہ پورہ گاو¿ں میں بدھ کے روز ایک کنویں میں گرنے سے دو افراد کی موت ہوگئی۔ تین دیگر افراد کو بچا لیا گیا ہے اور انہیں اسپتال میں داخل کرایا گیا ہے۔
ایک عہدیدار نے ایک مقامی خبر رساں ادارے کو بتایا کہ ستبوئن درد پورہ میں ایک کنویں کی صفائی کے دوران دم گھٹنے کی وجہ سے پانچ افراد بے ہوش ہو گئے۔
عہدیدار نے کہا”جیسے ہی یہ خبر پھیلی، جائے وقوعہ پر ایک ریسکیو آپریشن شروع کیا گیا۔ انہوں نے مزید کہا”سخت کوششوں کے بعد، لوگوں کو پانی کے ذریعہ سے باہر نکالا گیا اور قریبی اسپتال منتقل کیا گیا، جہاں ڈاکٹروں نے پانچ میں سے دو کو مردہ قرار دے دیا“۔
جاں بحق ہونے والوں کی شناخت فرید احمد کھوجا اور بشیر احمد کھوجا کے طور پر کی گئی ہے۔ اہلکار نے مزید بتایا کہ سیف احمد، قاسم الدین اور عبدالحمید زیر علاج ہیں۔