نیشنل کانفرنس، کانگریس اور پی ڈی پی نے لوگوں پر ظلم وستم کے پہاڑ ڈھائے: رینا

جموں//
جموںکشمیر بی جے پی یونٹ کے صدر رویندر رینا نے پیر کے روز کہاکہ بھارتیہ جنتاپارٹی یوٹی کی سبھی پانچ نشستوں پر کامیابیوں کے جھنڈے گارڈ دے گی۔
رینا نے کہاکہ پی ڈی پی ، نیشنل کانفرنس اور کانگریس نے اپنے دور اقتدار میں لوگوں پر ظلم و ستم کا بازار گرم کر رکھا تھا۔
ان باتوں کا اظہاررینا نے ریاسی میں نامہ نگاروں سے بات چیت کے دوران کیا۔
بی جے پی یونٹ صدر نے کہاکہ لوک سبھا انتخابات میں بھاجپا کی جیت کو یقینی بنانے کی خاطر جموں وکشمیر میں سیاسی سرگرمیاں شروع کی گئی ہیں۔
رینا نے کہاکہ ہر شخص بھاجپا کا جھنڈا بلند کررہا ہے کیونکہ مودی جی نے جموں وکشمیر کے لوگوں کو ستر سال کے ظلم وستم سے آزادی دلائی۔
بی جے پی یونٹ صدر کے مطابق نیشنل کانفرنس ، پی ڈی پی اور کانگریس نے اپنے دور اقتدار میں لوگوں پر ظلم و ستم کے پہاڑ ڈھائے اور ان کا استحصال کیا۔
رینا کے مطابق لوک سبھا انتخابات میں لوگ ان تینوں کو ایک بار بھی مسترد کریں گے۔انہوں نے مزید بتایا کہ بی جے پی اس بار جموں وکشمیر کی پانچ پارلیمانی نشستوں پر کامیابی حاصل کرئے گی۔ان کا کہنا تھا کہ آنے والے انتخابات میں بھاجپا کی یقینی ہے اور میں یہ پورے دعوئے کے ساتھ کہتا ہوں کہ اس بار کشمیر میں بھی کنول کا پھول کھلے گا۔