کرناہ سڑک حادثے میں ۴ لوگوں کی موت ‘دس زخمی

کپواڑہ/ 31 اکتوبر
شمالی کشمیر کے کپواڑہ ضلع میں کرناہ کے نواگبرا علاقے میں ایک گاڑی کھائی میں گرنے سے کم از کم 4 افراد کی موت ہو گئی جبکہ 10 دیگر زخمی ہو گئے۔
ایک اہلکار نے ایک مقامی خبر رساں ایجنسی کو بتایا کہ گاڑی پھسل کر کھائی میں جا گری جس کے نتیجے میں 4 افراد ہلاک ہو گئے۔
ان کا کہنا تھا کہ اس واقعے میں گاڑی میں سوار 10 دیگر افراد بھی زخمی ہوئے۔
اہلکار نے مزید کہا”زخمیوں کا ایس ڈی ایچ تنگدھر میں علاج کیا جا رہا ہے۔ قانون کی متعلقہ دفعات کے تحت مقدمہ درج کر لیا گیا ہے“۔