آر آر سوائن نے ڈی جی پی جموں کشمیر کا عہدہ سنبھال لیا

سرینگر/۳۱ اکتوبر
آر آر سوائن نے آج سہ پہر پی ایچ کیو سرینگر میں منعقدہ ایک تقریب میں جموں و کشمیر کے۷۱ویں ڈائریکٹر جنرل آف پولیس کا عہدہ سنبھالا۔
سوائن کی آمد پر سینئر افسران نے ان کا استقبال کیا اور انہیں پی ایچ کیو لان میں گارڈ آف آنر پیش کیا گیا۔ انہوں نے گارڈ آف آنر کا معائنہ بھی کیا۔
1991 بیچ کے آئی پی ایس افسر ’ سوائن ڈی جی پی جموں و کشمیر کا عہدہ سنبھالنے سے پہلے جموں اور پولیس کے مختلف اہم اور کلیدی عہدوں پر تعینات رہے جن میں ایس ڈی پی او کوٹھی باغ، ایس پی رامبن، ایس پی کرگل، ایس پی پونچھ، ایس ایس پی کٹھوعہ، ایس ایس پی جموں اور ایس ایس پی سرینگر شامل ہیں۔
نومبر2006 میں سوائن ڈیپوٹیشن پر حکومت ہند گئے جہاں وہ بہت سے عہدوں پر فائز تھے۔ جون2020 میں، سوائن نے سی آئی ڈی ونگ کے سربراہ کے طور پر جموں کشمیرپولیس میں شمولیت اختیار کی اور آج ڈی جی پی جموں کشمیر کا چارج سنبھال لیا۔
ڈی جی پی کا عہدہ سنبھالنے کے فوراً بعد، جموں و کشمیر‘ سوائن نے پی ایچ کیو میں ایک میٹنگ کی صدارت کی جس میں پی ایچ کیو اور دیگر ونگز کے سینئر افسران نے شرکت کی۔
مختلف ونگز کے ایچ او ڈیز اور پی ایچ کیو کے سینئر افسران نے ڈی جی پی کو اپنے ونگز اور دفاتر کے کام / کام کے بارے میں بریفنگ دی۔