سابقہ حکومتوں نے لوگوں کے ساتھ نا انصافی کی:رویندر رینا

جموں//
جموںکشمیر بی جے پی یونٹ کے صدر رویندر رینا نے جمعے کے روز کہاکہ سابق حکومتوں نے جموں وکشمیر کے لوگوں کے ساتھ نا انصافی کی ہے ۔
رینانے مزید کہاکہ فلسطین اور اسرائیل کے درمیان مسائل بات چیت کے ذریعے حل ہونا چاہئے کیونکہ جنگ اپنے ساتھ تباہی لاتا ہے ۔
ا ن باتوں کا اظہار رینا نے راجوری میں نامہ نگاروں کے ساتھ بات چیت کے دوران کیا۔
بی جے پی یونٹ صدر نے کہاکہ جموں کشمیر کے لوگوں کے ساتھ سابقہ حکومتوں نے نا انصافی اور استحصال کیا۔
رینا کے مطابق موجودہ مرکزی حکومت یہاں کے لوگوں کو اپنے پیروں پر کھڑا کرنے کی خاطر زمینی سطح پر کام کر رہی ہیں۔انہوں نے مزید بتایا کہ پچھلے تین سالوں کے دوران جموں وکشمیر میں امن و امان واپس لوٹ آیا ہے ۔
غزہ میں جاری جنگ کے بارے میں پوچھے گئے سوال کے جواب میں رویندر رینا نے کہاکہ بھارت نے ہمیشہ امن کی بات کی ہے ۔
رینا نے کہاکہ دونوں ممالک کے درمیان جتنے بھی مسائل ہیں انہیں بات چیت کے ذریعے ہی حل کیاجاسکتا ہے ۔ان کے مطابق جنگ کسی کے لئے اچھا نہیں لہذا دونوں اطراف صبر و تحمل کا مظاہرہ کیا جانا چاہئے تاکہ مزید معصوم جانیں ضائع نہ ہوں۔