سرینگر/ 10 اکتوبر
پولیس کاکہنا ہے کہ جنوبی کشمیر کے ضلع شوپیاں کے آلشی پورہ علاقے میں سیکورٹی فورسز کے ساتھ ایک تصادم میں لشکر طیبہ سے وابستہ دو مقامی دہشت گردمارے گئے ۔
کشمیر زون پولیس نے’ایکس‘ پر ایک پوسٹ کے ذریعے جانکاری فراہم کرتے ہوئے کہا کہ شوپیاں تصام میں دو دہشت گرد مارے گئے جبکہ تلاشی آپریشن ہنوز جاری ہے ۔انہوں نے جاں بحق دہشت گردوں کی شناخت معرفت مقبول اور جازم فاروق عرف ابرار کے بطور کی ہے ۔
پولیس کا کہنا ہے کہ یہ دونوں کالعدم دہشت گرد تنظیم لشکر طیبہ سے وابستہ تھے ۔
اے ڈی جی پی کشمیر وجے کمار کے مطابق ابرار نامی دہشت گرد سنجے شرما کی ٹارگیٹ ہلاکت میں ملوث تھا۔
قبل ازیں ذرائع نے بتایا کہ دہشت گرد کے چھپنے کے متعلق اطلاع موصول ہونے پر فوج اور پولیس کی مشترکہ پارٹی نے گذشتہ شب شوپیاں کے آلوشی علاقے کو محاصرے میں لے کر تلاشی آپریشن شروع کر دیا۔انہوں نے کہا کہ اس دوران طرفین کے درمیان آمنا سامنا ہوا اور تصادم چھڑ گیا۔
