پارلیمانی وفد کا لالچوک دورہ‘ لوگوں سے بات چیت

سرینگر//
کشمیر کے دورے پر آئے ہوئے ارکان پارلیمان نے لالچوک میں گھنٹہ کا دورہ کیا اور وہاں پر لوگوں سے بات چیت کی۔
اس موقع پر ممبران پارلیمان نے کہا کہ واقعی میں کشمیر کے حالات بہتر ہوئے ہیں۔
اطلاعات کے مطابق منگل کی شام کو کشمیر کے دورے پر آئے ہوئے ممبران پارلیمان کے ایک وفد نے لالچوک کا دورہ کیا۔
اس موقع پر جونپور اتر پردیش کے ممبر پارلیمنٹ‘ شیام سنگھ یادو نے نامہ نگاروں سے بات چیت کے دوران بتایا کہ کئی مرتبہ کشمیر کے دورے پر آیا ہوں۔
بی ایس پی سے تعلق رکھنے والے سنگھ نے کہا کہ یہاں کے لوگوں سے ملنا جلنا ہوتا رہتا ہے اور یہ کہ یہاں کے لوگ سیدھے سادھے اور بھائی چارے میں یقین رکھتے ہیں۔انہوں نے بتایا کہ سبھی مذاہب کے ماننے والے لوگوں کو بھائی چارے اور امن چین کے ساتھ رہنا چاہئے۔
ممبر پارلیمنٹ ان کا مزید کہنا تھا کہ کشمیر میں حالات واقعی میں بہتر ہوئے ہیں اوریہ لوگوں کے چہروں پر عیاں ہے۔
راجیہ سبھا ایم پی ارنا نے بتایا کہ یہاں آکر بہت خوشی محسوس ہوئی۔ان کا کہنا تھا کہ واقعی کشمیر میں حالات بہتر ہوئے ہیں اور مودی جی کی قیادت میں کشمیر ترقی کی راہ پر گامزن ہے۔
ممبر پارلیمنٹ نے مزید بتایا کہ کشمیر میں جی ٹونٹی میٹنگ بھی ہوئی یہاں کے لوگ موجودہ نظام سے کافی خوش نظر آرہے ہیں۔