پٹن میں سڑک حادثے میں سکوٹی سوار کی جان گئی

سرینگر//
شمالی کشمیر کے ٹاپر پٹن میں پیش آئے سڑک کے ایک حادثے میں سکوٹی سوار کی موت واقع ہوئی ہے ۔
اطلاعات کے مطابق پیر کے روز ٹاپر پٹن کے نزدیک تیز رفتار گاڑی نے سکوٹی کو زور دار ٹکر ماری جس وجہ سے سکوٹی سوار شدید طورپر زخمی ہوا۔
معلوم ہوا ہے کہ آس پاس موجود لوگوں نے زخمی نوجوان کو علاج ومعالجہ کی خاطر نزدیکی ہسپتال منتقل کیا تاہم وہ وہاں پر جانبر نہ ہو سکا۔
متوفی کی شناخت فیضان احمد وانی ولد غلام محمد وانی ساکن نہال پورہ پٹن کے بطور ہوئی ہے ۔پولیس نے اس ضمن میں کیس درج کرکے مزید تحقیقات شروع کی۔
اس دوران جموںکشمیر کے پونچھ ضلع کے جھلاس علاقہ میں موٹر سائیکل نے راہگیر کو ٹکر ماری جس وجہ سے اس کی برسر موقع ہی موت واقع ہوئی۔
اطلاعات کے مطابق پونچھ کے جھلاس علاقے میں اس وقت سنسنی کا ماحول پھیل گیا جب موٹر سائیکل نے پولیس پوسٹ جھلاس کے نزدیک مقامی شہری کو ٹکر ماری جس وجہ سے وہ شدید طورپر زخمی ہوا۔
معلوم ہوا ہے کہ آس پاس موجود لوگوں نے زخمی شہری کوعلاجومعالجہ کی خاطر نزدیکی ہسپتال پہنچایا تاہم ڈاکٹروں نے اسے مردہ قرار دیا۔
متوفی کی شناخت غلام محمد ولد عبدالغفار ساکن سلوتری کے بطور ہوئی ہے ۔
دریں اثنا پولیس نے اس ضمن میں کیس درج کرکے مزید تحقیقات شروع کی۔