سرینگر/14 اگست
محکمہ موسمیات کے مطابق وادی کشمیر میں اگلے چوبیس گھنٹوں کے دوران موسم گرم اور مرطوب رہنے کا امکان ہے تاہم اس دوران کہیں کہیں بارشوں کے مختصر مرحلے کو خارج از امکان قرار نہیں دیا جا سکتا ہے ۔
متعلقہ محکمے کے ایک ترجمان نے بتایا کہ جموں وکشمیر میں اگلے چوبیس گھنٹوں کے دوران موسم گرم اور مرطوب رہنے کا امکان ہے ۔
ترجمان نے کہا کہ اس دوران کہیں کہیں بعد دوپہر یا شام کے وقت کہیں کہیں بارشوں کے کافی کم امکانات ہیں۔
ان کا کہنا تھا کہ جموں وکشمیر میں 15 اگست یعنی یوم آزادی کے موقع پر کچھ جگہوں پر صبح کے وقت بارشوں کا امکان ہے تاہم بعد ازاں دن بھر موسم خشک رہنے کی توقع ہے ۔
محکمہ موسمیات کے ترجمان نے بتایا کہ وادی میں اگلے ایک ہفتے کے دوران وسیع پیمانے پر بارشوں کا کوئی امکان نہیں ہے ۔
دریں اثنا گرمائی دارلحکومت سری نگر میں کم سے کم درجہ حرارت21.0 ڈگری سینٹی گریڈ ریکارڈ کیا گیا جو معمول سے 2.7 ڈگری سینٹی گریڈ زیادہ ریکارڈ ہوا تھا۔
دارلحکومت جموں میں کم سے کم درجہ حرارت23.6 ڈگری سینٹی گریڈ ریکارڈ کیا گیا جو معمول سے 1.4 ڈگری سینٹی گریڈ کم ریکارڈ ہوا تھا۔
قابل ذکر ہے کہ ماہرین موسمیات کے مطابق جموں وکشمیر میں رواں ماہ کے دوران بارش معمول سے کم ریکارڈ ہونے کا امکان ہے ۔
