سابق قانون سازوں کی لیفٹیننٹ گورنر سے ملاقات

جموں//
دیویندر سنگھ رانا، سابق قانون ساز اور سینئر بی جے پی لیڈر نے آج راج بھون میں لیفٹیننٹ گورنر‘ منوج سنہا سے ملاقات کی۔
سابق قانون ساز شہناز گنائی نے بھی لیفٹیننٹ گورنر سے ملاقات کی۔
سابق قانون سازوں نے لیفٹیننٹ گورنر کو میمورنڈہ پیش کیا اور انہیں عام عوام کے مختلف مسائل سے آگاہ کیا۔
لیفٹیننٹ گورنر نے سابق اراکین اسمبلی کو میمورنڈا میں پیش کیے گئے حقیقی مسائل پر مناسب کارروائی کا یقین دلایا۔
دریں اثنا سابق وزیر سرجیت سنگھ سلاتھیا نے آج راج بھون میں لیفٹیننٹ گورنر منوج سنہا سے ملاقات کی۔
سابق وزیر نے لیفٹیننٹ گورنر کے ساتھ ترقی اور عوام کی فلاح و بہبود کے مختلف امور پر تبادلہ خیال کیا۔
لیفٹیننٹ جنرل سندیپ جین، جی او سی۱۶ویںکور نے بھی لیفٹیننٹ گورنر سے ملاقات کی اور انہیں موجودہ سیکورٹی صورتحال سے آگاہ کیا۔