امرناتھ یاترا کا راستہ۱۵جون تک تیار ہو جائے گا

نئی دہلی//
بارڈر روڈ آرگنائزیشن نے کہا ہے کہ وہ یاترا شروع ہونے سے بہت پہلے۱۵جون تک مقدس امرناتھ یاترا کا راستہ تیار کر لے گی۔
تنظیم نے کہا ہے کہ امرناتھ یاترا یکم جولائی سے شروع ہونے والی ہے اور اس سے پہلے روٹ تیار کر لیا جائے گا۔
اس دوران تنظیم یاترا کے راستے سے برف ہٹائے گی، راستے کو چوڑا کرے گی، پلوں کو ٹھیک کرے گی اور ٹوٹی دیواروں کی مرمت کرے گی۔
قبل ازیں بالتال سے مقدس غار تک سڑک کی دیکھ بھال جموں و کشمیر کے مرکزی زیر انتظام علاقے کے پبلک ورکس ڈپارٹمنٹ کے پاس تھی اور چندن واڑی سے مقدس غار تک سڑک کی دیکھ بھال پہلگام ڈیولپمنٹ اتھارٹی کرتی تھی۔
اس سڑک کی دیکھ بھال کا کام گزشتہ سال۲۲ستمبر کو بارڈر روڈز آرگنائزیشن کے حوالے کیا گیا تھا۔