گلمرگ ‘پہلگام میںدرجہ حرارت نقطہ انجماد سے نیچے دیگر مقامات پر بھی درجہ حرارت معمول سے کم درج ہوا

سرینگر//
وادی کشمیر میں خراب موسمی صورتحال کے بیچ سیاحتی مقامات گلمرگ اور پہلگام میں شبانہ درجہ حرارت نقطہ انجماد سے نیچے درج ہوا ہے ۔
محکمہ موسمیات کے ایک ترجمان کے مطابق گلمرگ میں کم سے کم درجہ حرارت منفی۵ء۳ڈگری سینٹی گریڈ ریکارڈ کیا گیا جو معمول سے۷ء۲ڈگری سینٹی گریڈ کم ریکارڈ ہوا تھا جبکہ پہلگام میں کم سے کم درجہ حرارت منفی۸ء۱ڈگری سینٹی گریڈ ریکارڈ کیا گیا جو معمول سے۵ء۳ڈگری سینٹی گریڈ کم ریکارڈ ہوا تھا۔
وادی کے دیگر مقامات پر بھی شبانہ درجہ حرارت معمول سے نیچے ہی ریکارڈ ہوا ہے ۔
دارلحکومت سری نگر میں کم سے کم درجہ حرارت۷ء۲ڈگری سینٹی گریڈ ریکارڈ کیا گیا جو معمول سے ۷ء۳ڈگری سینٹی گریڈ کم ریکارڈ ہوا تھا۔
شمالی ضلع کپوارہ میں کم سے کم درجہ حرارت۲ء۱ڈگری سینٹی گریڈ ریکارڈ کیا گیا جو معمول سے ۰ء۴ڈگری سینٹی گریڈ کم ریکارڈ ہوا تھا۔
گیٹ وے آف کشمیر کے نام سے مشہور قصبہ قاضی گنڈ میں کم سے کم درجہ حرارت۶ء۳ڈگری سینٹی گریڈ ریکارڈ کیا گیا جو معمول سے۵ء۱ڈگری سینٹی گریڈ کم ریکارڈ ہوا تھا۔
دریں اثنا محکمہ موسمیات کے مطابق وادی میں اگلے چوبیس گھنٹوں کے دوران گرچ چمک کے ساتھ بارشوں کا امکان ہے ۔انہوں نے کہا تاہم بعد ازاں وادی میں کئی دنوں تک موسم خشک رہنے کی توقع ہے ۔
ادھر سرینگر میں گذشتہ چوبیس گھنٹوں کے دوران ۹ء۲ملی میٹر بارش ریکارڈ ہوئی ہے جبکہ قاضی گنڈ میں۸ء۸ ملی میٹر، پہلگام میں۸ء۱۰ملی میٹر، گلمرگ میں۸ء۷ملی میٹر اور کپوارہ میں۸ء۲ملی میٹر بارش ریکارڈ ہوئی ہے ۔