سعودی عرب سڑک حادثے میں ۲۰ عمرہ زائرین ہلاک‘۲۸ زخمی

سرینگر/۲۸مارچ
سعودی عرب میں عسیر کے شمال میں ”عقبہ شعار“ میں بس کو حادثہ پیش آ گیا۔ اس خوفناک حادثہ میں 20 افراد جاں بحق اور28 زخمی ہوگئے۔ ذرائع نے بتایا کہ حادثہ پیر کی سہ پہر عسیر کے علاقے ” عقبہ شعار“ پر پیش آیا۔
العربیہ کے مطابق حادثے کی وجہ بس کی بریکوں کے خراب ہو نے کو قرار دیا گیا۔ بس بریک فیل ہونے کے باعث ایک پل سے ٹکرائی اور الٹ گئی اور اسے آگ لگ گئی۔ سول ڈیفنس کی ٹیمیں، ہلال احمر اور متعلقہ سکیورٹی حکام جائے حادثہ پر پہنچ گئے اور امدادی سرگرمیاں شروع کردیں۔ نعشوں اور زخمیوں کو علاقے کے ہسپتالوں میں منتقل کر دیا گیا۔