پونچھ میں زنگ آلود شیل برآمد

جموں/۱۴فروری
جموںکشمیر کے ضلع پونچھ کے شاہ پورہ علاقے میں سیکورتی فورسز نے ایک زنگ آلود شیل کو ناکارہ بنایا۔
سرکاری ذرائع نے بتایا کہ منگل کے روز شاہ پورہ سیکٹر میں سڑک کی مرمت کے دوران ایک پرانا شیل برآمد ہوا۔
انہوں نے کہاکہ بی ڈی ایس ٹیم فوری طورپر جائے موقع پر پہنچی اور شیل کو ناکارہ بنا دیا۔
دریں اثناشمالی ضلع بانڈی پورہ میں زنگ آلودہ گرینیڈ کو ناکارہ بنا دیا گیا۔
سرکاری ذرائع نے بتایا کہ بانڈی پورہ کے منز پورہ آلوسہ میں منگل کے روز ایک زنگ آلودہ پرانا گرینیڈ برآمد ہوا ۔انہوں نے کہاکہ سیکورٹی فورسز کی ٹیم فوری طورپر جائے موقع پر پہنچے اور آس پاس علاقوں میں لوگوں کے چلنے پھرنے پر پابندی عائد کی اور بعد ازاں بم ناکارہ بنانے والی ٹیم نے گرینیڈ کو ناکارہ بنا دیا۔