کٹھوعہ/ 25 جولائی
کٹھوعہ پولیس نے دہشت گردانہ سرگرمیوں کا مقابلہ کرنے کی جاری کوششوں میں ایک اہم پیش رفت کرتے ہوئے پولیس اسٹیشن ملہار میں دو اوور گراو¿نڈ ورکرز (او جی ڈبلیو) کو دہشت گردی سے متعلق سرگرمیوں کی حمایت کرنے کے الزام میں گرفتار کیا ہے۔
پولیس کاکہنا ہے یہ بھی پایا گیا کہ ان افراد نے جان بوجھ کر اہم معلومات کو پولیس کو بروقت ظاہر نہ کرکے چھپایا تھا۔ دونوں افراد نے جان بوجھ کر پولیس کو اہم معلومات ظاہر نہ کرنے کا فیصلہ کیا، جس سے دہشت گردی کی کارروائیوں کو روکنے کی کوششوں میں رکاوٹ پیدا ہوئی۔
اس کیس کے سلسلے میں 100 سے زائد افراد سے پوچھ گچھ کی گئی ہے جبکہ 40 سے زائد افراد کے خلاف احتیاطی اقدامات کیے گئے ہیں تاکہ مزید خطرات کو کم کیا جاسکے اور دہشت گردی کی سرگرمیوں کے لئے کسی بھی ممکنہ سپورٹ سسٹم کو متاثر کیا جاسکے۔
تفصیلی تحقیقات کے بعد 02 او جی ڈبلیوز کی شناخت لیاقت علی ولد گامی ساکن وارڈ نمبر 07 کلنہ دھنو پیرول تحصیل بلاور ضلع کٹھوعہ اور مول راج ولد اتم چند ساکن باو¿لی محلہ ملہار تحصیل ملہار ضلع کٹھوعہ کے طور پر کی گئی ہے۔
پولیس کاکہنا ہے”ان ڈبلیو او جی ڈبلیوز کی گرفتاری ہمارے عزم کا ثبوت ہے۔ ہم عوام پر زور دیتے ہیں کہ وہ چوکس رہیں اور کسی بھی مشکوک سرگرمی کی اطلاع اپنے قریبی پولیس اسٹیشن یا 100 پر ڈائل کریں۔“
