کشمیر میںاگلے چوبیس گھنٹوں کے دوران موسم گرم و مرطوب رہنے کا امکان

سرینگر//
محکمہ موسمیات کی پیش گوئی کے مطابق وادی کشمیر میں اگلے چوبیس گھنٹوں کے دوران موسم گرم اور مرطوب رہنے کا امکان ہے ۔
متعلقہ محکمے کے ایک ترجمان نے بتایا کہ وادی کشمیر میں۲؍اور۳جولائی کو موسم گرم اور مرطوب رہنے کا امکان ہے تاہم اس دوران کہیں کہیں بارشیں بھی ہوسکتی ہیں۔
ترجمان نے کہا کہ بعد ازاں جموں وکشمیر کے بیشتر مقامات پر۴سے۶جولائی تک رک رک ہلکی سے درمیانی درجے کی بارشیں ہوسکتی ہیں جبکہ اس دوران کہیں کہیں بھاری بارشوں کا بھی امکان ہے ۔
محکمے نے ایڈوائزری جاری کرتے ہوئے کہا کہ جموں وکشمیر میں۴سے۶جولائی تک خطرناک مقامات پر سیلابی ریلے ، مٹی کے تودے اور پتھر کھسک آنے کا امکان ہے ۔انہوں نے کہا کہ کچھ نشیبی علاقوں میں عارضی طور پر پانی جمع ہوسکتا ہے ۔
دریں اثنا سری نگر میں گذشتہ چبویس گھنٹوں کے دوران۳ء۰ملی میٹر بارش ریکارڈ ہوئی ہے جبکہ قاضی گنڈ میں ۴ء۰ملی میٹر اور کپوارہ میں۵ء۰ملی میٹر بارش ریکارد ہوئی ہے ۔
سیاحتی مقام پہلگام میں بھی ہلکی بوندا باندی ہوئی ہے ۔وادی میں شبانہ درجہ حرارت بھی بدستور معمول سے زیادہ درج ہو رہا ہے ۔
گرمائی دارلحکومت سری نگر میں کم سے کم درجہ حرارت۸ء۲۲ڈگری سینٹی گریڈ ریکارڈ کیا گیا جو معمول سے ۵ء۵ڈگری سینٹی گریڈ زیادہ ریکارڈ ہوا تھا۔
سیاحتی مقام گلمرگ میں کم سے کم درجہ حرارت۰ء۱۵ڈگری سینٹی گریڈ ریکارڈ کیا گیا جو معمول سے ۹ء۳ڈگری سینٹی گریڈ زیادہ ریکارڈ ہوا تھا۔
ایک اور سیاحتی مقام پہلگام میں کم سے کم درجہ حرارت۷ء۱۶ڈگری سنٹی گریڈ ریکارڈ کیا گیا جو معمول سے ۳ء۵ڈگری سینٹی گریڈ زیادہ ریکارڈ ہوا تھا۔
شمالی ضلع کپوارہ میں کم سے کم درجہ حرارت۵ء۲۰ ڈگری سینٹی گریڈ ریکارد کیا گیا جو معمول سے۸ء۴ڈگری سینٹی گریڈ زیادہ ریکارد ہوا تھا۔
قصبہ قاضی گنڈ میں کم سے کم درجہ حرارت۲ء۲۰ڈگری سینٹی گریڈ ریکارڈ کیا گیا جو معمول سے۵ء۴ڈگری سینٹی گریڈ زیادہ ریکارڈ ہوا تھا۔