سرینگر//
جنوبی کشمیر کے ضلع اننت ناگ کے اچھ بل علاقے میں منگل کی صبح ایک سڑک حادثے میں ایک جوان سال موٹر سائیکل سوار کی بر سر موقع ہی موت واقع ہوئی۔
ذرائع نے بتایا کہ اننت ناگ کے اچھ بل میں منگل کی صبح ایک رائل انفیلیڈ بائیک قابو سے باہر ہوکر دیوار سے ٹکرائی جس کے نتیجے میں موٹر سائیکل سوار کی بر سر موقع ہی موت واقع ہوئی۔
انہوں نے متوفی کی شناخت رئیس الاسلام گنائی ولد غلام محمد گنائی ساکن تیل وانی اچھ بل کے طور پر ہوئی ہے ۔
ادھر رام بن ضلع میں امرناتھ یاترا سے واپس لوٹ رہے کم از کم ۱۰یاتری اس وقت زخمی ہو گئے جب ڈرائیور نے انہیں بریک فیل کی اطلاع دی۔
بس کو فوج اور پولیس اہلکاروں نے روک دیا جس سے جموں سرینگر قومی شاہراہ پر ممکنہ حادثہ ہونے سے بچا گیا۔
عہدیداروں نے بتایا کہ بس میں ۴۰ یاتری سوار تھے جو پنجاب کے ہوشیار پور واپس آرہے تھے۔ انہوں نے مزید کہا کہ ڈرائیور بریک نہ ہونے کی وجہ سے بانہال کے قریب ناچلانہ پہنچنے پر گاڑی کو روکنے میں ناکام رہا۔عہدیداروں نے بتایا کہ تین خواتین اور ایک بچے سمیت کم از کم ۱۰یاتری اس وقت زخمی ہوئے جب بس میں سوار متعدد افراد چلتی بس سے چھلانگ لگا دی۔
عہدیداروں نے بتایا کہ یاتریوں کو چلتی گاڑی سے چھلانگ لگاتے دیکھ کر فوج کے جوانوں اور پولیس اہلکاروں نے تیزی سے کارروائی کی اور گاڑی کے ٹائروں کے نیچے پتھر رکھ کر بس کو ندی میں گرنے سے روکنے میں کامیاب رہے۔
عہدیداروں نے بتایا کہ فوج کی کوئیک ری ایکشن ٹیمیں ایمبولینس کے ساتھ موقع پر پہنچ گئیں اور تمام زخمیوں کو طبی امداد اور ابتدائی طبی امداد فراہم کی۔