سنہا کا کٹھوعہ بلاور کے دو رنگ وِلیج میں اٹامک نارتھ پرائیویٹ لمیٹڈ کمپلیکس کا اِفتتاح

بلاور کٹھوعہ//
لیفٹیننٹ گورنر‘ منوج سِنہانے آج کٹھوعہ بلاور کے دورنگ وِلیج میں اٹامک نارتھ پرائیویٹ لمیٹڈ کے نئے آفس کمپلیکس کا اِفتتاح کیا۔
لیفٹیننٹ گورنر نے اِس اہم موقعہ پر آئی ٹی سروسز کمپنی بلاور اور ملحقہ علاقوں کے نوجوانوں اور رہائشیوں کو مبارکباد پیش کی۔ اُنہوں نے خطے میں روزگار کے وسیع مواقع پیدا کرنے اور تکنیکی اختراعیت کو فروغ دینے کے عزم پر جوہری اٹامک نارتھ کی سراہنا کی۔
سنہانے کہا’’ اٹامک نارتھ ایک سرکردہ آئی ٹی خدمات کمپنی ہے جس کے دفاتر ہندوستان، کینیڈا، امریکہ، برطانیہ میں ہیں اور دیہی جموںکشمیر میں اس کی توسیع دیہاتوں کی معیشت کو بحال کرنے کیلئے حکومت کے عزم کا ثبوت ہے۔‘‘
لیفٹیننٹ گورنر نے اٹامک نارتھ مینجمنٹ کو مشورہ دیا کہ وہ بلاور اور آس پاس کے علاقوں کے نوجوانوں کو ہنر مند بنائے اور اُنہیں بھرتیوں میں ترجیح دے تاکہ مقامی صلاحیتوں سے اِستفادہ کیا جاسکے اور یہ منصوبہ دیہی تبدیلی کو نئی تحریک دے گا۔
سنہا نے کہا کہ پہلے مرحلے میں اٹامک نارتھ۱۰۰؍ ایگزیکٹیوز کے ساتھ بی پی او آپریشن شروع کرے گاجس میںزائد اَز۹۰ فیصد مقامی نوجوان شامل ہوں گے۔ اگلے مرحلے میں کمپنی ایک ڈیٹا سینٹر، ایک نیٹ ورک آپریشن سینٹر اور ایک سیکورٹی آپریشن سینٹر تعمیر کرے گی جو ۱۵۰۰ نوجوانوں کو روزگار فراہم کرے گی اور معاشی ترقی کو مزید آگے بڑھائے گی۔
لیفٹیننٹ گورنر نے کہا کہ جدید ترین ٹیکنالوجی اور اِختراعی سہولیات سے آراستہ یہ جدید ترین سہولیت جموں کشمیر کے نوجوان ٹیلنٹ پول کی استعداد کار میں اِضافے کو نئی رفتار دینے کے لئے تیار ہے۔
سنہا نے مزید کہا کہ یہ اَقدام مقامی کمیونٹیوں کو بااِختیار بنانے اور آئی ٹی سے چلنے والے خدماتی شعبے میں دیرپاترقی کو فروغ دینے کیلئے جموںوکشمیر اِنتظامیہ کے ویژن ے ہم آہنگ ہے ۔
لیفٹیننٹ گورنر نے کہا کہ مجھے یقین ہے کہ اٹامک نارتھ کا منصوبہ آج کی گلوبلائزڈ دنیا میں جسمانی فاصلے کو کم کرے گا۔ اُنہوں نے کہا کہ یہ دیگر آئی ٹی کمپنیوں کو جموں و کشمیر میں دیہی ٹیکنالوجی مراکز بنانے کے لئے دور دراز علاقوں میں اَپنا کاروبار قائم کرنے کی ترغیب دے گا۔
سنہا نے جموں و کشمیریوٹی میں صنعتی سرمایہ کاری کے زمینی نفاذ کو آسان بنانے کے لئے جموںوکشمیر اِنتظامیہ کے عزم کا بھی اعادہ کیا۔
لیفٹیننٹ گورنر نے جموںوکشمیر یوٹی میں آئی ٹی اور آئی ٹی سے متعلق خدماتی شعبے کی کمپنیوں کے نئے منصوبوں کے قیام کیلئے انتظامیہ کی طرف سے ہر ممکن تعاون کا یقین دلایا۔
منیجنگ ڈائریکٹر اٹامک نارتھ پرائیویٹ لمیٹڈ سنجیو سپولیا اور سی ای او ارون پرکاش نے دیہی علاقوں میں اِقتصادی ترقی کی حمایت اور خطے کی مجموعی ترقی میں تعاون کیلئے اٹامک نارتھ کے عزم کا اعادہ کیا۔ اُنہوں نے حمایت اور تعاون کیلئے جموںوکشمیر یو ٹی اِنتظامیہ کا بھی شکریہ اَدا کیا۔