کورونا صورتحال پر کڑی نظر ر ہے فی الحال گھبرانے کی ضرورت نہیں :بدھوری

سرینگر//
صوبائی کمشنر کشمیر ‘وجے کمار بدھوری کا کہنا ہے کہ کورونا کیسز میں اضافہ ہونے کی صورت میں گائیڈ لائنز جاری کی جائیں گی۔
تاہم انہوں نے ساتھ ہی کہا کہ کورونا صورتحال پر کڑی نظر رکھی جا رہی ہے فی الوقت گھبرانے کی کوئی ضرورت نہیں ہے ۔
صوبائی کمشنر نے ان باتوں کا اظہار بدھ کو یہاں نامہ نگاروں کے سوالوں کے جواب دینے کے دوران کیا۔
کورونا کیسز میں اضافہ درج ہونے کے متعلق پوچھے جانے پر انہوں نے کہا’’ابھی صورتحال قابو میں ہے اس پر کڑی نظر رکھی جا رہی ہے گھبرانے کی کوئی ضرورت نہیں ہے ‘‘۔
بدھوری کا کہنا تھا’’اگر کیسز بڑھتے ہیں تو گائیڈ لائنز جاری کی جائیں گی‘‘۔
صوبائی کمشنر نے کہا کہ اگر کسی کو لگ رہا کہ وہ کورونا کا شکار ہوا ہے تو اس کو ٹیسٹ کرکے گائیڈ لائنز پر عمل در آمد کرنا چاہئے ۔
بدھوری نے کہا کہ یہاں سیاحت کا سیزن شروع ہوا ہے اور ٹلپ گارڈن کو دیکھنے کیلئے دنیا بھر سے سیاح آرہے ہیں۔
سمارٹ سٹی کے بارے میں پوچھے جانے پر ان کا کہنا تھا کہ سمارت سٹی پروجیکٹ کو تکمیل تک پہنچنے کیلئے۱۵ ؍اپریل تک ڈیڈ لائن دی گئی ہے تاہم فٹ پاتھ، سائیکل ٹریک وغیرہ کا کام مکمل کرنے کیلئے مزید پندرہ بیس دنوں کا وقت دیا گیا ہے ۔