سی اِی او او وائی او اِنڈیا کی لیفٹیننٹ گورنر سے ملاقات

سرینگر//
او وَائی او اِنڈیا کے سِی اِی او اَنکیت گپتا نے آج یہاں راج بھون میں لیفٹیننٹ گورنر منوج سِنہا سے ملاقات کی ۔ان کے ساتھ صدر کارپوریٹ افئیرس او وَائی او سدھارتھ داس گپتا بھی تھے۔
گپتا نے لیفٹیننٹ گورنر کو جموںوکشمیر حکومت کے اشتراک سے سرکردہ ٹریول ٹیک پلیٹ فارم او وائی او ہوٹلز اینڈ ہوم سٹیز کے پروجیکٹ ’’ کرائون آف اِنکریڈیبل اِنڈیا‘‘ کے تحت جموںوکشمیر میں رورل لائیو لی ہڈ س کیلئے۲۰۰ہوم سٹے بنانے کی پیش رفت کے بارے میںجانکاری دی۔
سی اِی او نے لیفٹیننٹ گورنر کوجموںوکشمیر میں ہوم سٹے مالکان کو کمائی کے مواقع فراہم کرنے ، مہمانوں کے تجربے کو بڑھانے اور ان کی جائیداد کو مؤثر طریقے سے چلانے کے علاوہ سوشل میڈیا اور مارکیٹنگ پلیٹ فارموں کا استعمال کرتے ہوئے ہوم سٹے کی بیداری پیدا کرنے کے پروگرام کے بارے میں بھی بریفنگ دی۔
بتایا گیا کہ آزادی کا ۷۵ سال کا جشن منانے پر ۷۵ ہوم سٹے۱۵؍ اگست سے قبل اِفتتاح کیلئے تیار ہیں۔
لیفٹیننٹ گورنر نے ملکی اور بین الاقوامی سیاحوں کیلئے بہترین ثقافت اور روایات کا تجربہ کرنے کیلئے معیاری رہائش او ردیگر سہولیات تیا رکرنے میں او وائی او گروپ کی کوششوں کی تعریف کی۔
یہ بات قابل ذِکر ہے کہ جموںکشمیر یوٹی حکومت نے مشن یوتھ کے تحت ۵۰۰ نوجوانوں کو۵۰ہزارروپے کی ترغیب سے ہوم سٹے کے قیام کے لئے مدد فراہم کرنے کا فیصلہ کیا تھا۔
ہوم سٹیز کے آنے سے دیہی سیاحت کو فروغ ملے گا او رنوجوانوں کو روزگار کے مواقع میسر ہوں گے۔