ایجنسیز
کولگام؍۱۱مارچ
ضلع کولگام کے سوپٹ دیوسر علاقے میں بدھ کے روز پیش آئے ایک سڑک حادثے میں جموں و کشمیر بینک کے ایک ملازم کی موت واقع ہوگئی جبکہ تین دیگر افراد زخمی ہوگئے۔
حکام کے مطابق جاں بحق ہونے والے شخص کی شناخت شہنواز احمد راتھر کے طور پر ہوئی ہے جو واتیہل قاضی گنڈ کے رہائشی تھے۔ وہ حادثے میں زخمی ہونے والے چار افراد میں شامل تھے۔
انہوں نے بتایا کہ شہنواز احمد راتھر جموں و کشمیر بینک میں بطور ملازم خدمات انجام دے رہے تھے۔
حادثے کے بعد انہیں دیگر زخمیوں کے ساتھ علاج کے لیے قریبی اسپتال منتقل کیا گیا جہاں وہ بعد میں زخموں کی تاب نہ لاتے ہوئے دم توڑ گئے۔ دیگر زخمیوں کی حالت فی الحال ڈاکٹروں کی نگرانی میں بتائی جاتی ہے۔
پولیس نے واقعے کا نوٹس لیتے ہوئے مزید تحقیقات شروع کر دی ہے۔
