جموں؍۱۰ مارچ
جموں و کشمیر کے لیفٹیننٹ گورنر منوج سنہا نے منگل کے روز سینٹرل انڈسٹریل سکیورٹی فورس(سی آئی ایس ایف)کے یومِ تاسیس کے موقع پر فورس کے جوانوں کو مبارکباد پیش کرتے ہوئے کہا کہ قوم کو ان کی خدمات اور قربانیوں پر فخر ہے۔
اپنے ایکس پیغام میں ایل جی نے سی آئی ایس ایف اہلکاروں کی بہادری اور لگن کو خراجِ تحسین پیش کرتے ہوئے ملک کے اہم بنیادی ڈھانچے کے تحفظ میں ان کے کردار کو سراہا۔
سنہا نے لکھا’’سی آئی ایس ایف ریزنگ ڈے کے موقع پر تمام اہلکاروں اور ان کے اہلِ خانہ کو مبارکباد۔ ملک کے اہم بنیادی ڈھانچے کے تحفظ کے لیے سی آئی ایس ایف کا غیر متزلزل عزم قابلِ ستائش ہے‘‘۔
ایل جی نے مزید کہا’’قوم کو آپ کی خدمات اور قربانیوں پر فخر ہے۔ میں آپ کی بہادری اور فرض کے تئیں ثابت قدم وابستگی کو سلام پیش کرتا ہوں‘‘۔
واضح رہے کہ سی آئی ایس ایف کو۱۹۶۸ میں پارلیمنٹ کے ایک ایکٹ کے تحت قائم کیا گیا تھا اور تب سے یہ ایک کثیر الجہتی مرکزی مسلح پولیس فورس کے طور پر ترقی کر چکی ہے۔
ابتدائی طور پر صرف۳۱۲۹اہلکاروں کے ساتھ قائم ہونے والی یہ فورس اب بڑھ کر۲لاکھ ۲۰ہزارلاکھ سے زائد اہلکاروں پر مشتمل ایک مضبوط فورس بن چکی ہے جو ملک بھر میں خدمات انجام دے رہی ہے
