ایل جی سنہا نے شانت منو سے ریاستی الیکشن کمشنر کاحلف لیا

جموں: لوک بھون میں آج منعقدہ ایک تقریب میں  شانت منو نے جموں و کشمیر کے مرکز کے زیر انتظام علاقے کے ریاستی الیکشن کمشنر کی حیثیت سے حلف اٹھایا۔
منو نے لیفٹیننٹ گورنر شری منوج سنہا کے روبرو اپنے عہدے کا حلف لیا اور دستخط کیے۔اس موقع پر جموںکشمیرکے وزیرا علیٰ‘ عمرعبداللہ ‘ اسمبلی کے اسپیکر عبدالرحیم راتھر اور کابینہ وزرا بھی موجود تھے ۔
اس دوران کشمیر یونیورسٹی کی وائس چانسلر پروفیسر نیلوفر خان نے آج لیفٹیننٹ گورنر شری منوج سنہا سے ملاقات کی اور یونیورسٹی کی آئندہ کانووکیشن کی تیاریوں کے سلسلے میں تبادلۂ خیال کیا۔
انڈین آئل کارپوریشن لمیٹڈ (آئی او سی ایل) کے چیئرمین شری اے ایس سہنی نے بھی آج لیفٹیننٹ گورنر شری منوج سنہا سے ملاقات کی۔