سنہا جموں میں یومِ جمہوریہ کی مرکزی تقریب کی صدارت کریں گے

جموں: جموں کشمیر کے لیفٹیننٹ گورنر‘ منوج سنہا۲۰۲۶کی یومِ جمہوریہ تقریبات کی مرکزی تقریب کی صدارت کریں گے، جو مولانا آزاد اسٹیڈیم، جموں میں منعقد ہوگی، جہاں وہ سلامی بھی لیں گے۔
جموں میں تعینات حکومت اور پبلک سیکٹر انڈرٹیکنگز کے تمام افسران و اہلکاروں کو ہدایت دی گئی ہے کہ وہ اس تقریب میں اپنی سرکاری ذمہ داری کے تحت شرکت کریں۔
حکومت نے تمام محکموں کے سربراہان اور پبلک سیکٹر انڈرٹیکنگز کے چیف ایگزیکٹو افسران کو بھی ہدایت دی ہے کہ وہ اپنی موجودگی کے ساتھ ساتھ اپنے ماتحت کام کرنے والے ملازمین کی شرکت کو یقینی بنائیں تاکہ قومی تقریب کو پورے وقار اور شرکت کے ساتھ منایا جا سکے۔
اس کے علاوہ، یومِ جمہوریہ تقریبات کی بیٹنگ ریٹریٹ تقریب۲۹ جنوری۲۰۲۶کو شام۴:۳۰بجے مولانا آزاد اسٹیڈیم، جموں میں منعقد ہوگی۔
جموں میں تعینات سرکاری محکموں کے تمام افسران و اہلکاروں کو اس تقریب میں شرکت کی ہدایت دی گئی ہے، جبکہ محکموں کے سربراہان اور پبلک سیکٹر انڈرٹیکنگز کے چیف ایگزیکٹو افسران کو اپنے ماتحت ملازمین کے ساتھ شرکت کو یقینی بنانے کیلئے کہا گیا ہے۔