جموں میں ممکنہ دراندازی کے خدشہ‘ انسدادِ دہشت گردی کارروائیاں تیز

سکیورٹی ایجنسیوں نے خفیہ اطلاعات کے بعد جموں خطے میں انسدادِ دہشت گردی کارروائیاں تیز کر دی ہیں، جن میں بتایا گیا ہے کہ شدید دھند کی آڑ میں سرحد پار سے دہشت گرد دراندازی کی کوشش کر سکتے ہیں، حکام نے ہفتہ کے روز بتایا۔
پولیس، بارڈر سکیورٹی فورس (بی ایس ایف)، سینٹرل ریزرو پولیس فورس (سی آر پی ایف) اور فوجی اہلکاروں کی جانب سے کٹھوعہ، سامبا، جموں اور راجوری اضلاع میں بین الاقوامی سرحد (آئی بی) کے نزدیک مختلف مقامات پر تلاشی کارروائیاں جاری ہیں۔ اس کے علاوہ کشتواڑ کے چترو جنگلاتی علاقے میں بھی سرچ آپریشن انجام دیے جا رہے ہیں۔
حکام کے مطابق خفیہ اطلاعات میں بتایا گیا ہے کہ گزشتہ دو روز کے دوران کٹھوعہ-سامبا-جموں سیکٹر میں ہیرا نگر، گھگوال، رام گڑھ اور اکھنور کے بالمقابل سرحدی لانچ پیڈز پر مشتبہ دہشت گردوں کی نقل و حرکت دیکھی گئی ہے۔
ممکنہ دراندازی کی کوشش کو ناکام بنانے کے لیے کٹھوعہ ضلع کے بوبیا بارڈر آؤٹ پوسٹ، ٹپّن، مریڈ، پہاڑپور، پنسار، منیارئی، ترنہ نالہ، بین نالہ، کشن پور کنڈی، چک چھبے، ڈولکا سمیال اور رخِ سرکار علاقوں میں تلاشی اور ناکہ بندی ک