شمالی کمان کے سربراہ کا جنوبی کشمیر میں فورسز کی عملی تیاریوں کاجائزہ

فوج کی شمالی کمان کے سربراہ لیفٹیننٹ جنرل پراتیک شرما نے جنوبی کشمیر میں فورسز کے سیکورٹی انتظامات اورعملی تیاریوں کاجائزہ لیا۔
اس دوران انہیں مشترکہ انٹلی جنس فریم ورک، بہتر بنائے گئے آپریٹنگ طریقہ کار اور مربوط رد عمل نظام سے آگاہ کیا گیا۔ یہ جانکاری فوج کی شمالی کمان کے ایکس ہینڈل پر ایک پوسٹ کے ذریعے فراہم کی گئی۔
پوسٹ میں کہا گیا’’لیفٹیننٹ جنرل پراتیک شرما نے جنوبی کشمیر میں فورسںز کی حفاظتی ساخت اور آپریشنل تیاریوں کا جائزہ لیا۔ انہیں مشترکہ انٹیلی جنس فریم ورک، بہتر آپریٹنگ طریقہ کار اور مضبوط اور مربوط ردعمل کے طریقہ کار کے بارے میں بریفنگ دی گئی جو کہ ایک چیلنجنگ سیکیورٹی ماحول میں آپریشنل تیاری کو برقرار رکھنے کے لیے اہم ہے ‘‘۔
پوسٹ میں مزید کہا گیا’’فوجی سربراہ نے فوجی جوانوں کی مثالی پیشہ ورانہ مہارت، پختہ عزم اور آپریشنل عمدگی کے حصول کیلئے غیر متزلزل عزم کو سراہا۔‘‘