سری نگر بین الاقوامی ہوائی اڈے پر کئی پروازیں منسوخ

خراب موسم اور آپریشنل وجوہات کی بنا پر سری نگر کے بین الاقوامی ہوائی اڈے پر جمعہ کو کئی پروازیں منسوخ کر دی گئیں۔
ائر پورٹ حکام نے بتایا کہ خراب موسم اور آپریشنل وجوہات کی بنا پر جمعہ کو سری نگر ہوائی اڈے پر۷ پروازیں منسوخ کر دی گئیں۔
حکام نے کہا کہ ان پروازوں میں ایئر انڈیا کی دوپروازوںکو خراب موسمی صورتحال کی وجہ سے منسوخ کر دیا گیا۔
انڈیگو کی پروازیں جو امرتسر آنے اور جانے والی تھیں، کو خراب موسم کی وجہ سے منسوخ کر دیا گیا جب کہ اسپائس جیٹ کی پرواز ‘جو سری نگر،دہلی سیکٹر پر چل رہی تھی، کو بھی دہلی میں خراب موسم کی وجہ سے منسوخ کر دیا گیا۔
حکام نے بتایا کہ اس کے علاوہ، سپائس جیٹ کی ایک اور پروازاور انڈیگو کی دو پروازوںکو آپریشنل وجوہات کی بناء پر منسوخ کر دیا گیا۔
حکام نے مسافروں کو مشورہ دیا کہ وہ ہوائی اڈے پر جانے سے پہلے متعلقہ ایئر لائنز کے ساتھ اپنی پروازوں کے سٹیٹس کی دوبارہ تصدیق کر لیں۔