یوپی انتخابات میں کامیابی کیلئے بی جے پی، ایس آئی آر کو این آر سی کاپچھلادروازہ بنا رہی ہے : اکھلیش یادو

حیدرآباد12دسمبر(یواین آئی)اتر پردیش کے سابق وزیر اعلیٰ و سماج وادی پارٹی کے صدر اکھلیش یادو نے الزام عائد کیا ہے کہ بی جے پی یوپی انتخابات میں کامیابی کیلئے ایس آئی آر کو این آر سی کے پچھلے دروازے کے طور پر استعمال کر رہی ہے ۔ انہوں نے کہا کہ بی ایل اوز کو ٹکنالوجی کے استعمال کا نہ تو مناسب علم ہے اور نہ ہی انہیں اس کی کوئی تربیت دی گئی ہے ۔
آج حیدرآباد کی تاج کرشنا ہوٹل میں ویژن انڈیا سمٹ کا انعقاد کیا گیا۔ اس موقع پر خطاب کرتے ہوئے اکھلیش یادو نے کہا کہ اگر آرٹیفیشل انٹیلیجنس (اے آئی) انسانی جذبات اور رشتوں کو مضبوط بنا سکے اور انسانی سوچ کو مثبت سمت میں بدل سکے تو امتیاز کے خاتمہ کا امکان پیدا ہو سکتا ہے ۔
انہوں نے زور دیا کہ اے آئی کو محض سہولت کے لئے نہیں بلکہ انسانیت کی ہمہ جہت ترقی کے لئے فروغ دیا جانا چاہیے ۔ اکھلیش یادو نے کہا کہ ایک طرف اے آئی کی ترقی ہو رہی ہے تو دوسری طرف دیہی ہندوستان کو اے آئی سے کیسے جوڑا جائے ، یہ ہم سب کے سامنے سب سے بڑا چیلنج ہے ۔
انہوں نے کہا کہ زراعت، صحت، بنیادی ڈھانچہ سمیت مختلف شعبوں میں عوام تک اے آئی کو کس طرح مؤثر انداز میں پہنچایا جا سکتا ہے اس پر سنجیدگی سے غور کرنے کی ضرورت ہے ۔
انہوں نے واضح کیا کہ ویژن انڈیا سمٹ سیریز کا مقصد ہندوستان کی ترقی کے لئے ترقی پسند، عملی اور تعمیری تجاویز کو آگے بڑھانا ہے ۔ سب کے لئے مل کر کام کرنے کا ایک مشترکہ پلیٹ فارم فراہم کر کے ہندوستان کو "نیو انڈیا” بنانے کی سمت لے جانے یہ پروگرام ایک اہم قدم ہے ۔
اکھلیش یادو نے کہا کہ 108 ایمبولینس سروس کا آغاز سب سے پہلے حیدرآباد میں ہوا تھا اور یہاں سے ملنے والی ترغیب کے تحت ہی ہم نے اتر پردیش میں بھی اس سروس کو نافذ کیا۔