جموں/۶ دسمبر
کشتواڑ ضلع کے دادا سرثّل علاقے میں ہفتے کے روز ایک سڑک حادثے میں کم از کم چار افراد جاں بحق ہوگئے، جو سب ایک ہی خاندان کے تھے۔
حکام نے ایک مقامی خبر رساں ایجنسی کو بتایا کہ ایک شیورلیٹ گاڑی دربشالہ کی طرف جا رہی تھی کہ راستے میں حادثے کا شکار ہو گئی۔
پولیس نے بتایاکہ ابتدائی معلومات کے مطابق، کار کے ڈرائیور نے ایک تنگ اور اوٹ میں آنے والے موڑ پر گاڑی سے کنٹرول کھو دیا، جس کے نتیجے میں گاڑی سڑک سے پھسل کر گہری کھائی میں جا گری۔
پولیس کے مطابق، ایک خاتون کو ملبے سے نکال کر ضلع اسپتال منتقل کیا گیا، تاہم اسپتال پہنچتے ہی اسے مردہ قرار دیا گیا۔
اس حادثے میں خاندان کے تین افراد موقع پر ہی دم توڑ گئے جبکہ ایک زخمی کو قریبی اسپتال منتقل کیا گیا، جہاں ڈاکٹروں نے اسے پہنچتے ہی مردہ قرار دے دیا۔
متوفین کی شناخت رنجیت سنگھ (۳۵) ولد مرحوم پورن چند‘مرن ٹھاکر (۲۱) دختر اوم پرکاش‘آشو (۶ماہ) دختر رنجیت سنگھ اورجیوتی دیوی (۲۰) زوجہ رنجیت سنگھ کے طور ہوئی ہے ۔تمام افراد منگل تھاٹا دیسہ کے رہائشی تھے۔
درین اثنا، پولیس نے واقعے کا معاملہ درج کر کے تحقیقات شروع کر دی ہے۔ایجنسیز
