پلوامہ میں منشیات فروش گرفتار چرس جیسا مواد بر آمد:پولیس

سرینگر/۲۹نومبر
پلوامہ پولیس نے ایک منشیات فروش کو گرفتارکرکے اس کی تحویل سے چرس جیسا ممنوعہ مواد بر آمد کیا ہے ۔
ایک پولیس ترجمان نے اپنے ایک بیان میں کہا کہ پلوامہ پولیس کی ایک ٹیم نے ناکے پر ایک الٹوگاڑی کو روکا جو بنڈزو سے نیوا کی طرف جا رہی تھی۔
ترجمان نے کہا کہ تلاشی کے دوران گاڑی کے ڈرائیور کی تحویل سے چرس جیسے مواد کی۴چھڑیاں بر آمد کی گئیں جس کے بعد اس کو موقع پر ہی گرفتار کیا گیا اور گاڑی کو بھی ضبط کیا گیا۔
ملزم کی شناخت شبیر احمد تیلی ولد غلام حسن تیلی ساکن دربہ گام کے طور پر کی گئی ہے ۔
پولیس ترجمان نے بتایا کہ اس سلسلے میں پولیس اسٹیشن پلوامہ میں این ڈی پی ایس ایکٹ کے متعلقہ دفعات کے تحت زیر ایف آئی نمبر۲۰۲۵/۲۷۸ایک مقدمہ درج کیا گیا اور مزید تحقیقات شروع کی گئیں۔ انہوں نے لوگوں سے منشیات سے متعلق کسی بھی سرگرمی کے بارے میں پولیس کو مطلع کرنے کی تاکید کی۔