پونچھ میں منشیات فروش کی۱۱ء۱کروڑ رویے مالیت کی جائیداد ضبط:پولیس

جموں/۱۴نومبر
منشیات کی اسمگلنگ کے خلاف مہم کو وسیع پیمانے پر جاری رکھتے ہوئے جموں و کشمیر پولیس نے ضلع پونچھ میں ایک منشیات فروش کی ایک کروڑ روپیے سے زیادہ مالیت کی جائیداد ضبط کر دی۔
ایک پولیس ترجمان نے اپنے ایک بیان میں بتایا کہ پولیس اسٹیشن پونچھ میں این ڈی پی ایس کی متعلقہ دفعات اور بی این ایس کی دفعہ۱۱۱کے تحت درج ایف آئی آر نمبر۲۰۲۵/۱۷۸کے سلسلے میں محمد اقبال ولد غلام نبی ساکن کمسار کی جائیداد ضبط کر دی گئی۔
ترجمان نے کہا کہ ضبط شدہ جائیداد جو اس کی اہلیہ شہناز کوثر کے نام درج ہے ، میں ایک تین منزلہ بلڈنگ شامل ہے جو خسرہ نمبر۲۹۳کے تحت۱۰مرلہ رقبے پرکمسار میں واقع ہے جس کی تخمیناً مالیت۱۱ء۱کروڑ روپیے بتائی جاتی ہے ۔
ان کا کہنا ہے کہ اس اہم کارروائی کا مقصد منشیات کے دھندے کی مالی بنیادوں پر ضرب لگانا ہے اور یہ پیغام دینا ہے کہ منشیات کی اسمگلنگ میں ملوث افراد کو سخت قانونی اور مالی نتائج کا سامنا کرنا پڑے گا۔
پولیس ترجمان نے بتایا کہ پولیس ضلع سے منشیات کے ناسور کو ختم کرنے کیلئے پر عزم ہے ۔انہوں نے لوگوں سے منشیات سے متعلق سرگرمیوں کے بارے میں پولیس کو مطلع کرنے کی اپیل کی ہے ۔