جموں میں۱۱برسوں سے مفرور ملزم گرفتار:پولیس

جموں/یکم نومبر
مفرور ملزموں کے خلاف کارروائیوں کو جاری رکھتے ہوئے جموں پولیس نے گذشتہ۱۱برسوں سے فرار ایک ملزم کو گرفتار کیا ہے ۔
ایک پولیس ترجمان نے اپنے ایک بیان میں بتایا کہ جموں (رورل) پولیس نے ایک ایسے مفرور کو گرفتار کیا ہے جو گذشتہ ۱۱برسوں سے گرفتاری سے بچ رہا تھا۔
گرفتار شدہ کی شناخت گلزار احمد ولد چھتہ، ذات گوجر ساکن ڈبر نوشہرہ ضلع راجوری کے طور پر ہوئی ہے ۔
انہوں نے کہا کہ ملزم ایک فوجداری مقدمے میں مطلوب تھا جو پولیس اسٹیشن نگروٹہ میں آر پی سی دفعہ ۳۳۷/۲۷۹کے تحت زیر ایف آئی آر نمبر۲۰۱۴/۱۷۱درج ہے ۔
پولیس ترجمان نے بتایا کہ ملزم کے خلاف دفعہ ۵۱۲ضابطہ فوجداری کے تحت عدالت کی جانب سے گرفتاری کا وارنٹ جاری کیا گیا تھا کیونکہ وہ سال۲۰۱۴سے مفرور تھا۔
ترجمان نے کہا کہ مسلسل کوششوں اور مصدقہ اطلاع کی بنیاد پر پولیس اسٹیشن نگروٹہ کی ایک ٹیم نے کامیابی سے تلاش کرکے گرفتار کیا جس کے بعد اس کو عدالت کے سامنے پیش کیا گیا تاکہ آئندہ قانونی کارروائی عمل میں لائی جا سکے ۔ایجنسیز