این سی بی نے نیپالی شہری کو چار کلو گرام افیون کے ساتھ گرفتار کیا

نئی دہلی، 15 اکتوبر (یو این آئی) نارکوٹکس کنٹرول بیورو (این سی بی) کی پٹنہ یونٹ نے ایک نیپالی شہری سمیت دو افراد کو گرفتار کیا ہے اور ان کے پاس سے چار کلو گرام افیون ضبط کی ہے ۔
این سی بی نے آج ایک بیان جاری کرتے ہوئے کہا کہ وزیر اعظم نریندر مودی کے منشیات سے پاک ہندوستان کے وژن کے مطابق اور مرکزی وزیر داخلہ کی ہدایات کی تعمیل میں محکمہ نے ممنوعہ اشیاء کی اسمگلنگ کے خلاف کارروائی کو یقینی بنانے میں اہم کامیابی حاصل کی ہے ۔
ایجنسی نے کہا کہ ممنوعہ اشیاء کی اسمگلنگ کے بارے میں خفیہ معلومات کی بنیاد پر ایجنسی کی ٹیم نے ایک منصوبہ بند آپریشن کیا اور کامیابی سے نیپالی شہری کو گرفتار کر لیا۔ اس کے قبضے سے چار کلو گرام افیون برآمد ہوئی۔ اسے موتیہاری کے پپراکوت میں ایک ساتھی کو منشیات دیتے ہوئے پکڑا گیا تھا۔ ایجنسی کی ٹیم نے دونوں کو گرفتار کر لیا۔
ایجنسی نے کہا کہ نیپالی شہری اس سے قبل منشیات کی سپلائی کے دو مقدمات میں ملزم رہا ہے ۔
این سی بی نے کہا کہ جس کے پاس بھی معلومات ہوں وہ نیشنل نارکوٹکس ہیلپ لائن سے رابطہ کر سکتا ہے ۔ کوئی بھی شخص ٹول فری نمبر 1933 پر کال کرکے منشیات کی اسمگلنگ سے متعلق معلومات شیئر کرسکتا ہے ۔ اطلاع دینے والے کی شناخت خفیہ رکھی جاتی ہے ۔