سرینگر/۷؍اکتوبر
شمالی کشمیر کے سیاحتی مقام گلمرگ میں رواں سیزن میں شبانہ درجہ حرارت پہلی بار نقطہ انجماد سے نیچے ریکارڈ ہوا ہے اور اب تک کی سرد ترین رات درج ہوئی ہے ۔
کشمیر کو مرکزی زیر انتظام علاقہ لداخ کے ساتھ جوڑنے والے زوجیلا پاس پر کم سے کم درجہ حرارت منفی۰ء۸ڈگری سینٹی گریڈ ریکارڈ ہوا ہے ۔
محکمہ موسمیات کے ایک ترجمان نے بتایا کہ گلمرگ میں شبانہ درجہ حرارت منفی۴ء۰ڈگری سینٹی گریڈ ریکارڈ ہوا ہے اور اس طرح رواں سیزن میں پہلی بار درجہ حرارت نقطہ انجماد سے نیچے درج ہوا ہے ۔انہوں نے کہا کہ گلمرگ میں گذشتہ ۲۴گھنٹوں کے دوران۴ء۳۷ملی میٹر بارش ریکارڈ ہوئی ہے ۔
وسطی کشمیر میں واقع ایک اور مشہور سیاحتی مقام پہلگام میں کم سے کم درجہ حرارت۶ء۰ڈگری سینٹی گریڈ ریکارڈ کیا گیا جو معمول سے۵ء۴ڈگری سینٹی گریڈ کم ریکارڈ ہوا ہے ۔
پہلگام میں گذشتہ۲۴گھنٹوں کے دوران۶ء۵۲ملی میٹر بارش اور۳سینٹی میٹر برف ریکارڈ ہوئی ہے ۔
گرمائی دارلحکومت سری نگر میں کم سے کم درجہ حرارت۱ء۷ڈگری سینٹی گریڈ ریکارڈ ہوا ہے جو معمول سے۹ء۱ڈگری سینٹی گریڈ کم ریکارڈ ہوا ہے ۔
سری نگر میں گذشتہ۲۴گھنٹوں کے دوران۹ء۲۴ملی میٹر بارش ریکارڈ ہوئی ہے ۔
شمالی ضلع کپوارہ میں کم سے کم درجہ حرارت۰ء۶ڈگری سینٹی گریڈ ریکارڈ ہوا ہے جہاں گذشتہ۲۴گھنٹوں کے دوران۷ء۲۲ملی میٹر بارش ریکارڈ ہوئی ہے ۔
قاضی گنڈ میں کم سے کم درجہ حرارت۳ء۴ڈگری سینٹی گریڈ ریکارڈ ہوا ہے جہاں گذشتہ ۲۴گھنٹوں کے دوران سب سے زیادہ۴ء۷۰ملی میٹر بارش ریکارڈ ہوئی ہے ۔
کشمیر ویدر کے مطابق جموں وکشمیر میں ۷؍اکتوبر کو موسم مجموعی طور پر خشک رہنے کا امکان ہے ۔انہوں نے کہا کہ چند مقامات پر جن میں کشتواڑ‘ڈوڈہ‘اننت ناگ، رام بن، اودھم پور، اور کٹھوعہ اضلاع کے کچھ حصے شامل ہیں، میں دوپہر تک ہلکی بارشیں جاری رہ سکتی ہیں۔
ان کا کہنا ہے کہ چند مقامات پر ہلکی بارش کے امکان کے علاوہ۲۰؍اکتوبر تک جموں و کشمیر میں موسم عام طور پر خشک رہنے کا امکان ہے ۔
اس دوران وادی کشمیر کو ملک کے باقی حصوں کے ساتھ جوڑنے والی سری نگر – جموں قومی شاہراہ پر کئی مقامات پر مٹی کے تودے اور چٹانیں کھسک آنے وجہ سے ٹریفک کی نقل و حم معطل کر دی گئی ہے ۔
ادھر وادی کو جموں صوبے کے ساتھ جوڑنے والے تاریخی مغل روڈ اور وادی کو لداخ سے جوڑنے والی سرینگر، لیہہ شاہراہ اور سنتھن روڈ پر بھی برف جمع ہونے کی وجہ سے ٹریفک بند ہے ۔
لوگوں سے کہا گیا ہے کہ بحالی کا کام مکمل ہونے تک وہ ان سڑکوں پر سفر کرنے سے گریز کریں۔
ٹریفک حکام نے منگل کی صبح بتایا کہ قومی شاہراہ پر کئی مقامات پر لینڈ سلائیڈنگ، پتھر اورمٹی کے تودے گر آئے ہیں جس کی وجہ سے اس پر ٹریفک کی نقل و حمل معطل کر دی گئی ہے ۔
انہوں نے کہا کہ مغل روڈ، لیہہ ، سرینگر شاہراہ اور سنتھن روڈ پر برف جمع ہونے کی وجہ سے ٹریفک بند ہے ۔
حکام نے لوگوں سے کہا ہے کہ بحالی کا کام مکمل ہونے تک وہ ان سڑکوں پر سفر کرنے سے گریز کریں۔
انہوں نے لوگوں سے کہا ہے کہ وہ افواہوں پر کان نہ دھریں اور ان سڑکوں کی تازی جانکاری حاصل کرنے کے لئے ٹریفک پولیس کے ٹویٹر ہینڈل، فیس بک پیج اور جموں، سری نگر اور رام بن کے ٹریفک یونٹوں کے ساتھ رابطہ کریں۔ایجنسیز
