امت شاہ مریہ دربار اور سودیشی جاگرن منچ کے پروگراموں میں بھی حصہ لیں گے

رائے پور، یکم اکتوبر (یو این آئی) مرکزی وزیر داخلہ امت شاہ چار اکتوبر کو جگدل پور کا دورہ کریں گے ۔
مرکزی وزیر داخلہ سرہا بھون میں موریہ دربار میں عوام سے روبرو ہوں گے ۔ بستر دسہرہ میں گہری عقیدت رکھنے والے مقامی آدیواسی اور سماج کے معزز افراد کے لیے یہ پروگرام یادگار ثابت ہوگا۔ غور طلب ہے کہ بستر دسہرہ کی تاریخ میں 2025 کے سال میں بستر دسہرہ کمیٹی نے مرکزی وزیر داخلہ کو مدعو کیا اور ان کی آمد کو حتمی شکل دی ہے ۔ دَنْتیشوری مائی کے درشن، موریہ دربار کے علاوہ مرکزی وزیر داخلہ سوادی جاگرن منچ کے پروگرام میں بھی شریک ہوں گے ۔
مسٹر شاہ کی آمد کی تیاریوں کے سلسلے میں جگدل پور میں کمشنر، کلیکٹر اور دیگر اعلیٰ حکام کے ساتھ نائب وزیراعلیٰ وِجے شرما نے اجلاس کیا۔ اجلاس کے بعد وِجے شرما، جن کے پاس داخلہ محکمے کی ذمہ داری بھی ہے ، نے کہا کہ مسٹر شاہ دنتیشوری مائی کے درشن کریں گے اور موریہ دربار میں حصہ لیں گے ۔ بستر دسہرہ کمیٹی کے معزز افراد مانجھی، گائیتا، چالکی اور بیرما کے ساتھ وہ کھانا کھائیں گے اور سوادی جاگرن منچ کے پروگرام میں بھی شامل ہوں گے ۔