شالیمار باغ میں 100 کروڑ کے منصوبے پر کام ہو رہا ہے : ریکھا

نئی دہلی، 27 ستمبر (یو این آئی) دہلی کی وزیرِاعلیٰ ریکھا گپتا نے کہا کہ برسوں سے ترقی میں پیچھے رہ جانے والے شالیمار باغ اسمبلی حلقہ میں تقریباً 100 کروڑ روپے کے منصوبے پر تیزی سے کام ہو رہا ہے ۔
محترمہ ریکھا گپتا نے ہفتہ کے روز کہا کہ ہماری حکومت کی جانب سے پیتم پورہ اور شالیمار باغ علاقے میں تقریباً 100 کروڑ کی اسکیموں پر تیزی سے کام ہو رہا ہے ، پینے کا پانی، سیور اور سڑکوں جیسی بنیادی سہولیات اب ہر گھر تک پہنچ رہی ہیں۔
انہوں نے کہا کہ ایسا لگتا ہے کہ برسوں سے ان علاقوں میں ترقی کا کوئی کام نہیں ہوا ہے ، ہماری حکومت بننے کے بعد گزشتہ چھ سات ماہ سے پیتم پورہ اور شالیمار باغ علاقے میں ترقیاتی کام کروائے جا رہے ہیں۔
انہوں نے کہا کہ صفائی، سبزہ کاری اور خوبصورتی پر خاص توجہ دی جا رہی ہے ، تاکہ یہ علاقہ محفوظ، آسان اور جدید زندگی کی علامت بن سکے ۔