جموں میں خاتون منشیات فروش گرفتار، ہیروئن جیسا مواد بر آمد:پولیس

جموں/۱۶ستمبر
پولیس نے جموں میں ایک خاتون منشیات فروش کو گرفتار کرکے اس کی تحویل سے ہیروئن جیسا ممنوعہ مواد بر آمد کیا ہے ۔
ایک پولیس ترجمان نے اپنے ایک بیان میں تفصیلات فراہم کرتے ہوئے کہا کہ ایک مخصوص اطلاع پر کارروائی کرتے ہوئے پولیس پوسٹ نروال کی ایک پارٹی نے ایک خاتون منشیات فروش کو گرفتار کیا۔
ترجمان نے کہا کہ تلاشی کے دوران اس کی تحویل سے۲۷ء۳۱گرام ہیروئن جیسا مواد‘۲۱ہزار۲سو ۷۰ روپے نقدی اور ایک الیکٹرانک وزنی مشین بر آمد کی گئی۔
گرفتار شدہ کی شناخت سنیہا دختر وکاس ساکن راجیو نگر نروال جموں کے طور پر کی گئی۔
بیان میں کہا گیا کہ اس سلسلے میں پولیس اسٹیشن باہو فورٹ جموں میں این ڈی پی ایس ایکٹ کے تحت زیر ایف آئی آر نمبر۲۰۲۵/۲۷۳؍ایک مقدمہ درج کیا گیا اور مزید تحقیقات شروع کی گئی۔
ترجمان نے کہا کہ جموں پولیس منشیات کی بیخ کنی کو یقینی بنانے کیلئے پر عزم ہے ۔ پولیس نے لوگوں سے منشیات سے متعلق سرگرمیوں کے بارے اطلاع دینے کی اپیل کی ہے ۔