سیاچن میں برفانی تودہ

لداخ کے سیاچن گلیشیئر میں منگل کے روز برفانی تودہ گر نے سے مہار رجمنٹ کے تین فوجی جوان جان بحق ہو گئے ، جبکہ ایک فوجی افسر کو زندہ بچا لیا گیا۔
فوجی ذرائع نے بتایا کہ حادثہ اُس وقت پیش آیا جب اچانک برفانی تودہ بیس کیمپ کے قریب آ گرا۔ اس واقعے میں چار فوجی اہلکار برف کے نیچے دب گئے تھے ۔ بچاؤ ٹیموں نے کئی گھنٹوں کی جدوجہد کے بعد فوجی افسر سمیت ایک اہلکار کو زندہ نکالنے میں کامیابی حاصل کی، تاہم تین دیگر جوان دم توڑ بیٹھے ۔
ذرائع کے مطابق متاثرہ فوجی پانچ گھنٹوں تک برف کے نیچے دبے رہے ، جس کے بعد انہیں باہر نکالا گیا۔ جاں بحق ہونے والے فوجی مہار رجمنٹ سے تعلق رکھتے تھے ۔ فوج نے اس سانحے کی تصدیق کرتے ہوئے کہا ہے کہ مزید تفصیلات جمع کی جا رہی ہیں۔
سیاچن گلیشیئر کو دنیا کا سب سے اونچا اور خطرناک جنگی میدان قرار دیا جاتا ہے ، جہاں سخت موسمی حالات اور برفانی تودے اکثر انسانی جانوں کے ضیاع کا سبب بنتے ہیں۔ گزشتہ برسوں میں بھی یہاں متعدد فوجی اہلکار اپنی جانیں گنوا بیٹھے ہیں۔