بڈگام اور جموں میں دو منشیات فروش گرفتار، ممنوعہ مواد بر آمد:پولیس

پولیس نے وسطی کشمیر کے ضلع بڈگام کے چاڈورہ علاقے میں ایک منشیات فروش کو گرفتار کرکے اس کی تحویل سے ممنوعہ مواد بر آمد کیا ہے ۔
ایک پولیس ترجمان نے اپنے ایک بیان میں کہا کہ پولیس اسٹیشن چاڈورہ کی ایک ٹیم نے نوبگ گائوں میں ایک ناکے کے دوران ایک مشکوک شخص کو روکا جس نے ایک پالیتھین بیگ اٹھایا تھا۔
ترجمان نے کہا کہ گرچہ اس شخص نے پولیس کو دیکھ کر فرار ہونے کی کوشش کی تاہم اس کو موقع پر ہی دھر لیا گیا۔
ان کا کہنا ہے کہ تلاشی کے دوران اس کی تحویل سے۹۲ئ۲کلو خشخاش بھوسہ جیسا ممنوعہ مواد بر آمد کیا گیا جس کے بعد اس کی بر سر موقع ہی گرفتاری عمل میں لائی گئی۔گرفتار شدہ کی شناخت ہلال احمد ڈار ولد عبدالرشید ڈار ساکن نوبگ چاڈورہ کے طور پر ہوئی ہے ۔
بیان میں کہا گیا کہ اس سلسلے میں پولیس اسٹیشن چاڈورہ میں این ڈی پی ایس ایکٹ کے تحت ایک کیس درج کرکے مزید تحقیقات شروع کی گئی۔انہوں نے کہا کہ بڈگام پولیس منشیات کی بیخ کنی کو یقینی بنانے کے لئے پر عزم ہے ۔
ادھرپولیس نے جموں میں ایک بین ریاستی منشیات فروش کو گرفتار کرکے اس کی تحویل سے ممنوعہ مواد بر آمد کیا ہے ۔
ایک پولیس ترجمان نے اپنے ایک بیان میں کہا کہ پولیس پوسٹ ریذیڈنسی کی ایک ٹیم نے عید گاہ پکنک ہوٹل علاقے میں معمول کی گشت کے دوران ایک شخص کو روکا۔انہوں نے کہا کہ تلاشی کے دوران اس کی تحویل سے۴ کلو۵سو گرام گانجا جیسا ممنوعہ مواد بر آمد کیا گیا جس کے بعد اس کی بر سر موقع ہی گرفتاری عمل میں لائی گئی۔
گرفتار شدہ کی شناخت ستیش کمار ولد نرمل مہتو ساکن گورو ہری کرشن نگر لدھیانہ پنجاب کے طور پر ہوئی ہے ۔بیان میں کہا گیا کہ اس سلسلے میں پولیس اسٹیشن سٹی میں این ڈی پی ایس ایکٹ کے تحت ایک کیس درج کرکے مزید تحقیقات شروع کی گئی۔
ترجمان نے کہا کہ جموں پولیس معاشرے سے منشیات کی بیخ کنی کیلئے پر عزم ہے