بانہال//
ضلع رامبن کی تحصیل اکھرل پوگل پرستان میں آج شام ایک ٹاٹا سومو کے سڑک سے پھسل کر گہری کھائی میں گرنے سے چار مسافر ہلاک جبکہ دو دیگر شدید زخمی ہو گئے۔
یہ حادثہ اکھرل تحصیل کے علاقے پرستان میں مدینہ مسجد ہل کے قریب سینا باٹی لنک روڈ پر پیش آیا اور گاڑی لنک روڈ سے تقریبا ً۶۰۰ فٹ نیچے گر گئی۔
بی ایم او اکھرل ڈاکٹر عبدل الرحمان نے بتایا کہ کل چھ زخمیوں کو پی ایچ سی اکھل منتقل کیا گیا اور ان میں سے دو کو مردہ قرار دے دیا گیا۔
ڈاکٹر رحمان نے بتایا کہ پی ایچ سی اکھرل میں ابتدائی طبی امداد دینے کے بعد چار زخمیوں کو ایس ڈی ایچ بانہال بھیج دیا گیا جہاں ایک اور زخمی زخموں کی تاب نہ لاتے ہوئے دم توڑ گیا ، جس سے ہلاکتوں کی تعداد تین ہو گئی۔ بعد میں ایک اور زخمی جی ایم سی اننت ناگ جاتے ہوئے راستے میں دم توڑ گیا۔
پولیس نے ہلاک ہونے والے شخص کی شناخت ڈرائیور اور ٹاٹا سومو کے مالک محمد رفیع گجر ، پرستان پنچایت کے توقیر احمد بٹ اور ضلع رامبن کی تحصیل اکھرل پوگل پرستان میں بنگارا پنچایت کے رہائشی عبدل لطیف گجر کے طور پر کی ہے۔
حکام نے بتایا کہ دو زخمیوں کو بہتر علاج کے لیے گورنمنٹ میڈیکل کالج (جی ایم سی) اننت ناگ بھیج دیا گیا ہے۔
