اودھم پور میں منشیات فروش گرفتار، ممنوعہ مواد بر آمد:پولیس

جموں//
منشیات کے خلاف جنگ کو جاری رکھتے ہوئے جموں و کشمیر پولیس نے ضلع اودھم پور میں ایک بین ضلعی منشیات فروش کو گرفتار کرکے اس کی تحویل سے ہیرائن جیسا ممنوعہ مواد بر آمد کیا۔
ایک پولیس ترجمان نے اپنے ایک بیان میں تفصیلات فراہم کرتے ہوئے کہا کہ پولیس اسٹیشن اودھم پور کی ایک ٹیم نے جکھانی ناکہ پوائنٹ پر معمول کی تلاشی کے دوران ایک ٹیکسی کو روکا۔انہوں نے کہا کہ مسافروں کی تلاشی کے دوران ایک مسافر کی تحویل سے ۵۱ء۱۰گرام ہیرائن جیسا ممنوعہ مواد بر آمد کیا گیا جس کے بعد اس کی بر سر موقع ہی گرفتاری عمل میں لائی گئی۔
گرفتار شدہ کی شناخت عاقب گنائی ساکن محمد شفیع گنائی ساکن پانتھہ چوک سرینگر کے طور پر ہوئی ہے ۔
پولیس ترجمان نے بتایا کہ اس سلسلے میں پولیس اسٹیشن اودھم پور میں این ڈی پی ایس ایکٹ کے تحت ایک کیس درج کرکے مزید تحقیقات شروع کی گئی ہے ۔