ملک میں کورونا کے۳۳۹۵کیس۲۴گھنٹوں میں چار مریضوں کی موت

نئی دہلی///
ملک بھر میں کورونا سے متاثرہ کیسز میں اضافہ ہوا ہے ، ہفتہ کی صبح تک فعال کورونا انفیکشن کیسز کی کل تعداد۳۳۹۵تک پہنچ گئی۔ گزشتہ۲۴گھنٹوں میں اس انفیکشن کی وجہ سے چار مریضوں کی موت ہوئی ہے ۔
صحت اور خاندانی بہبود کی مرکزی وزارت کے جاری کردہ اعداد و شمار کے مطابق کل۳۳۹۵؍فعال کیسز ہیں۔ اب تک۱۴۳۵مریضوں کو اسپتال سے فارغ کیا جا چکا ہے اور یکم جنوری سے اب تک۲۶؍افراد کی موت ہو چکی ہے ۔
گزشتہ۲۴گھنٹوں میں کورونا انفیکشن کے۶۸۵؍ایکٹیو کیسز رپورٹ ہوئے ہیں اور۲۶۵مریضوں کو اسپتال سے ڈسچارج کیا گیا ہے لیکن اس دوران چار افراد جان کی بازی ہار گئے ۔ قومی دارالحکومت کے علاوہ کرناٹک، کیرالہ اور اتر پردیش میں ایک ایک مریض کی کورونا سے موت ہوئی ہے ۔
وزارت صحت نے آج اس بات کا اعادہ کیا کہ ملک میں کووڈ انفیکشن کی صورتحال پر مسلسل نظر رکھی جارہی ہے اور لوگوں کو گھبرانے کی ضرورت نہیں ہے ۔
کل ایکٹو کیسز میں، کیرالہ میں سب سے زیادہ۱۳۳۶ہیں اور اس کے بعد مہاراشٹر میں۴۶۷اوردہلی میں۳۷۵کیس درج کیے گئے ہیں۔ اس کے علاوہ گجرات میں۲۶۵‘ کرناٹک میں ۲۳۴، گجرات میں ۲۶۵‘ مغربی بنگال میں ۲۰۵، تمل ناڈو میں ۱۸۵‘ اتر پردیش میں۱۱۷، راجستھان میں۶۱‘ پڈوچیری میں۴۱‘ ہریانہ میں۲۶؍، آندھرا پردیش میں۱۷‘مدھیہ پردیش میں ۱۶‘ گوامیں ۸‘ اڑیسہ میں سات، جموں و کشمیر ، چھتیس گڑھ، پنجاب میں پانچ، پانچ اتراکھنڈ، میزورم اور آسام میں دو دو اور چنڈی گڑھ میں کورونا کا ایک فعال کیس ہے ۔