شمالی کمان کے سربراہی کی ایل جی اور وزیر اعلیٰ سے علیحدہ ملاقاتیں

سرینگر//
جنرل آفیسر کمانڈِنگ اِن چیف ناردرن کمان لیفٹیننٹ جنرل پرتیک شرما نے آج لیفٹیننٹ گورنر منوج سِنہاسے ملاقات کی اور اُنہیں موجودہ سیکورٹی صورتحال سے متعلق تازہ ترین پیش رفت اور مختلف پہلوؤں کے بارے میں آگاہ کیا۔
اِس موقعہ پر لیفٹیننٹ جنرل پرشانت سریواستو جی او سی ۱۵ کور بھی اُن کے ہمراہ تھے۔
اس دوران جنرل آفیسر کمانڈنگ انچیف ناردرن کمانڈ لیفٹیننٹ جنرل پرتک شرما نے وزیر اعلیٰ عمر عبداللہ کو لائن آف کنٹرول ( ایل او سی ) اور جموں و کشمیر کے دیگر سرحدی علاقوں میں موجودہ سلامتی کے منظر نامے اور حالیہ پیش رفت کے بارے میں بریف کیا ۔
شرما کے ساتھ جنرل آفیسر کمانڈنگ ۱۵ویںکور لیفٹیننٹ جنرل پرشانت سریواستوبھی تھے ۔
اس موقع پر وزیر اعلیٰ نے کہا کہ ہماری افواج قوم کی حفاظت کیلئے ایک قابلِ ستائش کام کر رہی ہے ۔