سری نگر،جموں قومی شاہراہ پر ٹریفک رواں دواں

سرینگر//
وادی کشمیر کو ملک کے باقی حصوں کے ساتھ جوڑنے والی سرینگر،جموں قومی شاہراہ پر مسافر بر دار گاڑیوں کی دو طرفہ نقل و حمل بحال کر دی گئی ہے جبکہ مال بر دار گاڑیوں کو آج سری نگر سے جموں جانے کی اجازت ہے ۔
واضح رہے کہ گذشتہ روز رام بن میں چمبا سیری مقام پر مٹی کے تودے گر نے کی وجہ سے قومی شاہراہ پر دونوں جانب کا ٹریفک روک دیا گیا تھا۔
ٹریفک افسران نے ہفتے کی صبح بتایا’’قومی شاہراہ پر مسافر گاڑیوں کی نقل و حمل جاری ہے تاہم آج بڑی گاڑیوں کو سری نگر سے جموں جانے کی اجازت ہے ‘‘۔
مسافروں سے کہا گیا ہے کہ وہ لین ڈسپلن پر عمل کریں اور اوور ٹیکنگ کرنے سے احتراز کریں۔
انہوں نے کہا کہ جنوبی کشمیر کے ضلع شوپیاں کو جموں صوبے کے راجوری اور پونچھ اضلاع کے ساتھ جوڑنے والے تاریخی مغل روڈ اور وادی کو مرکز کے زیر انتظام خطے لداخ سے جوڑنے والی سرینگر، لیہہ شاہراہ پر روڈ ٹھیک کرنے والی ایجنسیوں کی طرف سے گرین سگنل ملنے کے بعد ٹریفک کو چلنے کی اجازت دی جائے گی۔